اجمل 10 حاجات فى الدنيا

أكيد كل واحد فينا بيمر بلحظات حلوة فى حياتة حلوة لدرجة إنة بيحس إنة أسعد إنسان فى الدنيا و بيبقى مش عاوز الحاجة دى تخلص أبدآ .

عشان ما أطولش عليكو ممكن نركز اللحظات دى فى 10 نقط مثلآ ، وكل واحد فينا يدخل ويحكى لنا على أجمل 10 حاجات فى حياتة عشان نعيشها معاة ...
إية رأيكوا أبدأ أنا ...

أنا شايفة إن أجمل 10 حاجات فى الدنيا : هى إنك :

1 – تحب .
2 – تضحك لدرجة إن عنيك تدمع من كتر الضحك .
3 – تدخل السرير فى عز البرد وتنام فى الدفا على صوت المطر .
4 – تصحى الصبح بدرى عشان تروح الشغل ، تبص فى الساعة تلاقى إن لسة قدامك ساعة تنام فيها .
5 – تحلم حلم جميل .
6 – تقعد تحكى وتتكلم من قلبك مع حد بترتاح لة .
7 – تشوف الفرحة فى عيون صاحبك أو حبيبك لما تجيب لة الهدية ا للى كان عايزها من زمان .
8 - تسمع أول كلمة حب فى حياتك .
9 - – تقعد ع البحر وقت ا لغروب .
10 – تصحى من النوم كل يوم الصبح ، تبتسم ، وتشكر ربنا على يوم تانى جميل هتعيشة .

مستنية أعرف ردكوا وأحلى حاجة فى حياتكوا